بهاليوم هذا العلي حي مرضعه وحيدره
نصبه الباري ولي والميت والحي دره
وصه الخلافه لعلي طه الحجوا حيدره
كال الي بكلبه هوى لرب الجلاله ولي
خل يلتزم بالفتى هذا من بعدي ولي
طلك الدنيا وزمخ يادنيا عني ولي
مابين النجوم حيدر بالخلايق بدر
ليل ومطرز ذهب مصيوغ كله بدر
معروف يا ابو الحسن تشهدله وكفت بدر
امضى من السيوف وابشط من نصله واحد
من قبل الارحام بالذر للجلاله وحد
صولات اله حيدرهتشهد بدره واحد
المايؤمن بكل هذن بشعارنا خندكه
ونجلب بياخته ونجره من خندكه
عمر بن ود من هجم يوم العبر خندكه
ويكول ماكو زلم في هالجمع خيبره
ياهو التصدى ووكف من ركبته خيبره
وياهو الي مرحب شطر ياهو القلع خيبره
الباب سوا جسر عبروا عليه صفين
كل الخلايق علي بالمعجزه صفن
محتاج اسولف بعد واشرح حرب صفين؟
كرار شنوصفه بكل الشعر والجمل
رغم التامر بقه ولامته والجمل
والله لو ما..........وحمارها والجمل
امة محمد علت والحادي ظل حيدره
----------------------
تحياتي:
الكاسر
موضوع: قصيدة رائعة بحق الامام علي (ع) للشاعر المرحوم رحيم المالكي 
الجمعة 28 مارس 2008, 18:12
؟؟
